السادسة / The Girl Who Sees Scents
يوتشان للابد دراماته جمييييييييييييله
الدراما هذي افضل دراما شفتها هالسنة الكوريين يبدعون في النوع الخيالي كنت اكره هالنوع لما حببوني فيه بداية بحبيتي الثعلبة ومرورا بالحديقة السرية وامير السطح وكتاب العائلة قو وواخرها هذي
طبعا استثني مصاصين الدماء والاشباح نوع مقيت ماقدر اشوفه حتى
القصة / - حرق -
تموت اخت البطل وهي بالنسبة له كل شي في الدنيا اخر عائلته اللي بقت له بدون سبب ماتت انقلت بالخطا لتشابه اسمها تشوي ان سول مع البطلة لانها الشاهدة الوحيدة على قتل اهلها
بعد اللي صار فقد كل حاسه وماعاد صار يحس بشي ،، هو كان شرطي بسيط يحاول يسوي المستحيل يدخل فريق تحقيقات عشان يمسك قاتل اخته
ذكي جدا وفاهي في نفس الوقت تعامله مع الناس صريح لدرجة الناس يعتقدونه غبي .. له مواقف تصرع من الضحك بسبب فهاوته وحماسه
البنت كنت اكره اشوفها ولا اطيقها وتمثيلها كان الاسوأ بديت الدراما وانا اقول بتكرهني فيها ،، بس لا غيييييييير هذي وحدة ثانية مو نفس اللي اعرفها
تمثيلها مره غييير حبيتها جديا هنا انقلب الكره مره وحده
وحدة غبية خبلة كيوت فاقدة ذكرتها لحادث تعرضت له وهي تهرب من قاتل امها وابوها دخلت في غيبوبة فترة طويلة صحت وهي تقدر تشوف الروائح
الفكرة هذي كانت محومة كبدي كيف تشوف الروائح بس بالعكس اعجبتني مره يوم شفتها
البطل الثاني انسان بارد شيف مشهور مصاب بمرض عمى التعرف على الوجوه مايقدر يميز مين الشخص اللي يحاكيه الا بصوته
الدور مركب وصعب وللاسف الممثل ماقدر يتقمص الدور ولا قرب منه
الدراما ممتعة وتحمس وجميييله من كل النواحي
اعجبني فيها كل شخصية فيها شي غريب البطل مايحس البطلة تشوف الروائح الثالث عنجه عمى الوجوه حبيت التنوع هذا
استغربت لذم اللي على الدراما بالعكس مره جميله بالنسبة لي متكاملة
مع اني قليل اقيم عالي بس اقيمها 9 ونص من 10
