الخامسة / healer

لنفس سبب الدراما اللي قبل اجلتها عشان الدراسة
كل التعليقات اللي شفتها يا اما ناس اعجبتهم مره والا كارهينها مره مافي حل وسط
انا احسها ماتدخل العقل استعراضات غبيه في وقت غلط كانها افلام اكشاي كومار 😂
سالفة تنكره وان محد عرفه جدا غبية العميان بيدري مين هيلر
انا احب درامات المقنعين مثل قاقشيتال والجيمي اجمل درامات شفتها جميلة بشكل مايوصف حتى المبالغات تتمشى واتقبلها بالنسبه لجمال الدراما
اما هيلر ابدا ماقدت امشي مبالغاتهم تذكرني مره مره بستي هنتر وكلهم ماعجبوني  تنكرهم ابو كلب 
+ البطله نفسها في هالدرامتين اكرهها مرررره لدرجه ماتحملها وتكرهني في الدراما اكثر
ايام سيتي هنتر عادية كنت متقبلتها بس في الدرامات اللي بعدها مره كرهتها متصنعة بشكل لا يطاق حرككاتها استفزازية ماتعرف تمثل بس فالحه تطلع لسانها يقال لها كيوت يعني وعععععع
البطل جميل وتمثيله جميل حتى دوره في بداية الدراما كان جميل
بس في الاخير صار ساااااااااااامج والدراما اسمج رومانسية شينة مره 
الحين باقي لي حلقتين باشوفها اليوم وافتك
اللي عاجبته سيتي هنتر ممكن تعجبه هيلر بس سيتي هنتر احلى بد من هذي مع اني احب البطل هذا اكثر من لي مين هو 

رابع دراما / Misaeng

طبعا الدراما غنية عن التعريف والكل شافها واعجبته ،، بس انا كنت ادرس ولا ابي اخربها علي وقت ضغط الدراسه والابحاث فاجلتها لما اروق عليها
كنت حاطه امال عليها بس للاسف صدمتني
نوع الشغل هذا مره ماحبه
الدراما ممله جدا كلها شغل كل يومين او 3 اشوف حلقه والا باطفش اذا تابعت كل يوم حلقه مره اكرهها  واقول باحذفها وانا ماحب لازم اذا تابعت دراما اكملها .. بكن اذا  ششفت كل فتره حلقه تطلع عاديه
الكاست جميل وتمثيلهم متقن مره حبيت التنوع في الشخصيات
قدروا ينوعون في الشخصيات : واحد ماعنده شهاده ويحارب عشان يبقى في الشركه ،  ذكي جدا وجرئ لكن لظروف ماساعدته يمكن ، قدر يثبت قدراته امكانياته بسرعه بديهته وحسن تصرفه وافكاره اللي استغلها ، فريقه جميل ومتعاون بالرغم انهم رفضوه لانه ( ناكسان ) جاي بالواسطه لكنه قدر يجبرهم على حبه فصاروت يدعمونه
الثانيه بنت ذكية وعندها كل الامكانيات من شهاده ولغات مختلفه لكنها طاحت في فريق مايحبون البنات فكان تعاملهم معها وقح جدا ، مع الوقت قدرت تفرض عليهم احترامها
الثالث مايحب الاعمال المكتبية يحب يشتغل في الميداني توهق في فريق مديره عجاز مايسوي شي رامي كل الشغل عليه وياخذ الفضل هوعلى اساس انا سويت كل شي ،، لكن هالشخصية قوية مره فصارح رئيسه وتمرد عليه
الاخير واحد شايف نفسه يحس انه هو المهم وهو اللي يعرف كل شي ، كان رئيسه يعلمه الشغل شوي شوي لكنه مستعجل فيزعل من رئيسه المفروض تعطيني شغل صدق لما جرب بنفسه وعرف انو جد فيه اشياء لازم يتعلمها اول .
الدراما حلوه مره مو لانها ماعجبتني اقول شينه لا الدراما فيها اشياء جميله ومحد التفت لها من قبل ،، بس انا ماحب هالنوع مو مودي ابدا اشوف دراما ثقيلة كلها شغل 
الدراما ناجحة في كوريا وبرا كوريا بس النناس اذواق ماعتقد اشوف السيزون الثاني منها 

ثالث دراما / Fall in Love with Soon Jung

الدراما كل الناس حابيتها
قصتها / - حرق -
واحد يبي ينتقم من عمه اللي تسبب في موت امه وابوه بسبب طمعه ،، بعد ماكبر ورث عن ابوه مرض القلب فعمل عملية زراعة قلب ،،
البطله سكرتيره في الشركه وبنت واحد خان ابو الولد فكان حاقد عليها لما عرف بنت مين هي وكانت مواقفهم مع بعض كره قوي وتعامله معها مره شين
البنت كانت مخطوبه من واحد تحبه من كانت صغيره لكن ححصل حادث لخطيبها وتوفي واخذوا قلبه وزرعوه للبطل
الدراما جميله البطل فتنه البطله ترفع الضغط مررررره بس مالومها
اول الحلقات مره ثقيله الدراما بس بعدين تطلع فيها مواقف كوميديه من البطل
انصح فيها بقوه بس لازم تكون مودك عشان ماتخرب

ثاني  دراما / Divorce Lawyer in Love

قصتها باختصار واحد كان يشتغل في مكتب محاماه للطلاق والمحاميه خبله مغرورة مزعجتهم باوامرها

تورطت في قضيه تسببت في توقيف رخصه محاماتها .. 

بعد سنوات الولد كمل وصار محامي طلاق وهي توظفت عنده 

القصه مكرره ولا فيها شي مميز + البطل مايعجبني ابدا+ حب النونا + الصدف الغريبه

صحيح الدراما الكوريه مليانه صدف بس هذي بزيااااااااده

البطله اول مره اشوفها بس حبيتها 

الدراما فيها مشاهد تموت ضحك 

اقيمها 6 ونص من 10

ناسيه صفحتي هذي مره
باكتب رايي عن درامات جالسه اتابعها او خلصت متابعتها قريب

اولا / Let's Eat S2
الدراما هذي من السيزون الاول عاجبتني
دراما لطيفه جميله تمر بدون لا احس في الوقت 
دوجون ماحتاج احكي عنه هو اساس الدراما انسان غريب لا مبالي يحب الاكل ويتلذذ فيه ،، ملك التأمينات يدخل مع الناس بسرعة الكل يحبه ..
انتقل من سيول الى مسقط رأسه والتقى بصديقة قديمة أيام كانوا صغار .. البنت حاقدة عليه سبب لها جرح كبير ،، فيحاول يعوض اللي سواه في انه يشبكها مع واحد في العمل تحبه..
البطلة ظريفة مره تنحب ،، غبية بشكل لا يوصف كل همها انها تتزوج حاطه عينها على واحد معها في العمل تحس ان الزواج بيحل كل مشاكلها 
القصة فيها غموض نفس السيزون الاول جارهم اللي في السطح غامض يخفي ماضيه ويكذب في عمره 
الدراما فيها تركيز على الاكل من اسمها واضح اصلا تجي مشاهد كم دقيقة بس وهو ياكلون
للحين في بدايه حلقاتها اتابعها وقت متقطع لانها عن الاكل وحنا في رمضان وما افضى الا الصبح فماله داعي اعذب نفسي 😂😂 بس جدا جميلة 

اعشق هالدراما جميله على كثر حلقاتها بس ماحسيت بملل وانا اتابعها